1-ما المقصود بتعويم الجنية (Egyptian Pound Floating)
التعويم يعني رفع يد البنك المركزي عن العمله و ترك الحريه للبنوك في تحديد سعرها .
مثال
في مصر قبل 11/2016 كان البنك المركزي متحكم فى سعر العملات امام الجنيه و بيجبر البنوك عليه . لكن بعد التعويم البنوك هي اللي بتحدد سعر صرف العملات قدام الجنيه من غير تدخل البنك المركزي .
ما هوا سبب تعويم الجنية
ايام ما كان البنك المركزي بيحدد سعر ثابت للعمله كان حاطط سعر الدولار في حدود 8.88 جنيه بس السعر في السوق السوده وقتها كان وصل ل 15 و 16جنيه،
و بالتالي ده يؤدي لوجود سعرين مختلفين سعر وهمي و سعر حقيقي،
و طبعا اي حاجه في الدنيا بتتسعر بناء علي العرض و الطلب بمعني ان اي حاجه عليها الطلب كتيير و العرض بتعها قليل (يعني درجه توافرها نادره) ده بيؤدي لرفع سعرها
و العكس صحيح لو الطلب انخفض و العرض ارتفع بيؤدي لانخفاض السعر،
و طبعا بما ان مصر مكانش فيها دولارات فا ده بيخلي سعرالدولار فى البنوك اللى فارضو من البنك المركزي سعر وهمي.
الملخص
![]()
وتناولنا ايضا فى موضوع منفصل
🎁🎁 كيفيه احتساب تكلفة اى منتج محاسبة تكاليف من هنااااا 👇👇
ماهوا سبب تعويم الجنية المصرى
سبب التعويم (ان البلد مفيهاش دولارات)
الدولة تمتلك اكثر من دخل لتوفير الدولار زى قناة السويس والسياحة وتحويلات المصريين بالخارج ......الخ
و طبعا زي ما احنا عارفين ايرادات قناه السويس رجعت جدا وقتها و مكانش في سياحه و احنا دوله مبتصنعش اصلا عشان نصدر
و المستثمر الاجنبي بيهرب مننا عشان مفيش مناخ كويس للاستثمار و بالنسبه لتحويلات المصريين من الخارج فا كل الناس اللي مسافره برا مصر بتفضل تبدل الدولارات في السوق السوده بدل البنوك.
بالعقل كده هتفضل تبدل مع اللي هيديك 8ج ولا اللي هيديك 16ج؟!
نتج عن كل ده ايه بقي ان الدوله مفيهاش دولارات و الاحتياطي اللي موجود في البنك المركزي بينقص و بما اننا دوله مبتصنعش زي ما اتفقنا .
فا معني كده ان مفيش ادويه هنعرف نجبها من بره ولا في اجهزه ولا اي حاجه ببساطه لان مفيش دولارات ،
ما الحل لهذة المشكلة
البنك المركزي في 3/11/2016 قام بتعويم الجنية المصرى .
بكده سعر البنوك بقي زي سعر السوق السوده و بالتالي الناس هتفضل تبدل فلوسها في البنوك بدل السوق السوده لانها مكان نضيف و مضمون و قانوني التعامل معاه. و بكده ضمنا جذب مصدر للعمله.
هل تعويم الجنية المصرى ادى الى التضخم
قبل الحديث عن ان تعويم الجنية ادى الى التضخم ام لا
دا فيديو مبسط عن تعويم الجنية
ما هوا التضخم (Inflation)
التضخم معناه ارتفاع الاسعار
زي ما اتفقنا اننا دوله مستورده، فا بما ان سعر الدولار ارتفع يبقي سعر الحاجات المستورده هيعلي معاه بمعني اصح الحاجه اللي كنت بتشتريها قبل 11/2016 مش نفس سعرها و انت بتشتريها بعد التاريخ ده
زي ما اتفقنا اننا دوله مستورده، فا بما ان سعر الدولار ارتفع يبقي سعر الحاجات المستورده هيعلي معاه بمعني اصح الحاجه اللي كنت بتشتريها قبل 11/2016 مش نفس سعرها و انت بتشتريها بعد التاريخ ده
ومن هنا لازم نعرف انواع التضخم
A) تضخم مدفوع بالطلب
و ده التضخم اللي بينتج عن وجود سيوله في ايد الناس بتؤدي لارتفاع طلبهم علي السلعبمعني ان الناس معاها فلوس كتير فا طلبهم علي السلع بيزيد و ده بيؤدي لزياده الأسعار
لان انت لو هتبيع حاجه مثلا و لاقيت ان الطلب عليها كتير هترفع سعرها عشان تكسب
و ده الدوله بتعالجه من خلال رفع سعر الفائده في البنوك؛
بحيث انها تلم السيوله (الفلوس) من الناس و يودعوها في البنوك و بالتالي الناس مش هتبقى معاها فلوس كتير فا مش هيشترو و بالتالي الطلب يقل .
و ده ظهر في جمله مشهورة جد (يلا بينا عالبنك الاهلي نعمل شهاده ال20%) 😃 و بالتالي تحجيم التضخم المدفوع بالطلب.
B)تضخم مدفوع بالعرض
و ده بيكون ناتج عن زياده تكلفه الاستيراد و مكونات السلعه
و من هنا نفهم ان التضخم في مصر ناتج عن تضخم مدفوع بالعرض .
لانه زي ما قولنا ان سبب ارتفاع الاسعار هو ارتفاع سعر الدولار قدام الجنيه.
ما سبب ارتفاع سعر الفائده مع ان هو ليس تضخم مدفوع بالطلب .
ده عشان الناس كانت بتستعمل الدولار كوسيله ادخاريه (بمعني اننا نحوش دولارات عشان سعره هيعلي) بس مع رفع سعر الفائده خلي الناس تتنازل عن الدولار عشان تشتري بفلوسها شهادات في البنوك
لان ربحها عالي ده غير انها مضمونه و سعر الدولار مش مضمون و مبني علي توقعات .
بالتالي الطلب علي الدولار هيقل
و نقدر نتجنب الزيادة الكبيرة فى الاسعار و بالتالي نقلل من اثار التضخم المدفوع بالعرض،
وعشان نتجنب التضخم المدفوع بالعرض بشكل نهائي لازم نعتمد علي التصنيع و نكفي احتياجاتنا بنفسنا لاننا في الوقت ده هنقدر نتحكم في تكلفه المنتج من غير اي قيود خارجيه
و غير كده ممكن نصدر و نوفر دولارات للبلد و ده البنك المركزي دعمه من خلال مبادره قروض المشروعات الصغيره و المتوسطه بفايده 5%، 7%،
ده غير ان رفع سعر الفايده و نزول الجنيه قدام الدولار بيجذب الاموال الساخنه (اللي هي الاجانب اللي بترغب في استثمار سريع فا تحط فلوسها في البورصه و اذون الخزانه)
و خلو بالكم من موضوع الاموال الساخنه دي عشان احتمال تكون سبب في تثبيت سعر الفايده في قرارات البنك المركزي في الفتره اللي جايه و ده بسبب الاحداث الاخيره في تركيا و الأسواق الناشئه (Emerging Market )
وفى النهاية نشكر الاستاذ Ehab Abdelhakim على المجهود الكبير فى كتابة المقال بهذا الشكل وتوصيل المعلومة بشكل بسيط بقدر المستطاع
وتناولنا ايضا فى مدونتنا
🎁🎁تحميل كتاب محاسبة البنوك مجانا برابط مباشر من هنااااا 👇👇
المصدر " Ehab Abdelhakim "
